پاڪستان آئين موجب اقليتن جي حقن جي تحفظ ۽ انهن کي زندگي جي هر شعبي ۾ بهترين ڪارڪردگي جو مظاهرو ڪرڻ جا هڪ جهڙا موقعا فراهم ڪرڻ جي لاءِ پرعزم آهي: صدر آصف علي زرداري

اسلام آباد – 12 – آگسٽ (اي پي پي) صدر آصف علي زرداري ان ڳالهه جو ورجاءُ ڪيو آهي ته پاڪستان آئين موجب اقليتن جي حقن جي تحفظ ۽ انهن کي زندگي جي هر شعبي ۾ بهترين ڪارڪردگي جو مظاهرو ڪرڻ جا هڪ جهڙا موقعا فراهم ڪرڻ جي لاءِ پرعزم آهي. صدر اهڙن خيالن جو اظهار اقليتن جي ڏينهن جي حوالي سان ايوان صدر ۾ منعقد تقريب کي خطاب ڪندي ڪيو. صدر چيو ته اقليتن جي حقن جو تحفظ منهنجي آئيني ذميواري آهي جنهن جو مون حلف کنيو آهي. هن چيو ته سرڪاري سطح تي اقليتن جي ڏينهن کي ملهائڻ جو مقصد پاڪستان ۾ رهندڙ مختلف مذهبي اقليتي برادرين جي ماڻهن جي اڻٿڪ خدمتن جو اعتراف ڪرڻ آهي. قومي ترقي ۽ خوشحالي ۾ اقليتن جي ڪردار کي ساراهيندي صدر چيو ته اقليت پاڪستان جا برابر جا شهري آهن، انهن کي به ترقي جو ايترو ئي حق آهي جيترو ٻين شهرين کي حاصل آهي. قائداعظم محمد علي جناح جي ويزن جي اهميت تي زور ڏيندي صدر چيو ته قائداعظم جي تعليم تي مڪمل عمل پيرا ٿيڻ جي ضرورت آهي جنهن جو مقصد معاشري ۾ اتحاد، ڀائيچاري ۽ مذهبي رواداري کي فروغ ڏيڻ آهي. مذهبي معاملن ۽ بين المذاهب هم آهنگي واري وزارت جي اهتمام هيٺ ٿيندڙ تقريب ۾ پارليامينٽ ميمبرن، عالم سڳورن، مذهبي اڳواڻن، سفارتي ڪور جي ميمبرن، ميڊيا ۽ مختلف اقليتن جي نمائندن شرڪت ڪئي. ڀارت جي موجوده صورتحال جو ذڪر ڪندي صدر چيو ته ”مودي جو ڀارت اقليتن جي لاءِ غيرمحفوظ آهي“، قائداعظم جي بصرت آميز شخصيت پاڪستان قائم ٿيڻ کان اڳ انهن حالتن جو اندازو لڳائي ڇڏيو هو. صدر آصف علي زرداري چيو ته پاڪستان جي عوام سدائين انسانيت جي ڏک ۽ معاشري جي ڪمزور طبقن جي درد کي محسوس ڪيو ۽ هتي رهندڙ سمورن اقليتن کي مناسب احترام ۽ مقام ڏنو. ان سلسلي ۾ هن سنڌ جي مشهور صوفي شاعر شاهه عبداللطيف ڀٽائي جو هڪ شعر به ٻڌايو. صدر اقليتن جي لاءِ مختلف سرڪاري ادارن ۾ ميرٽ جي بنياد تي نوڪرين جا موقعا وڌائڻ کانسواءِ موجوده نوڪرين جي ڪوٽا ۾ اضافي جي ضرورت تي پڻ زور ڏنو. تحريڪ پاڪستان جي واقعن کي ياد ڪندي هن چيو ته اسان جي ابن ڏاڏن تحريڪ پاڪستان ۾ وڌي چڙهي حصو ورتو. صدر غزه ۾ جاري اسرائيلي جارحيت جو ذڪر ڪندي چيو ته ظالماڻا ۽ انڌاڌنڌ حملا سمورن فلسطينين ۽ مختلف مذهبن جي ماڻهن کي نشانو بڻائي رهيا آهن. مذهبي معاملن ۽ بين المذاهب هم آهنگي واري وفاقي وزير چوڌري سالڪ حسين تقريب کي خطاب ڪندي چيو ته ملڪ ۾ رهندڙ سمورن ماڻهن کي مذهبي آزادي حاصل آهي ۽ اهي پيار، ڀائيچاري ۽ امن جي ٻنڌڻن ۾ ٻڌل آهن. هن ان ڳالهه تي زور ڏنو ته ان پيغام کي پوري دنيا ۾ ڦهلائڻ گهرجي. مختلف آئيني آرٽيڪلز جو حوالو ڏيندي هن چيو ته پاڪستان جي آئين جي شقن تحت اقليتن کي انهن جي حقن جي ضمانت ڏني وئي آهي، ان کانسواءِ اسلامي تعليم ۾ پڻ اهڙن حقن تي زور ڏنو ويو آهي. آرچ بشپ راولپنڊي ۽ اسلام آباد ڊاڪٽر جوزف ارشد، هندو برادري جي نمائندي هارون سرب ديال، سک برادري جي نمائندي سردار گرپال سنگهه، بهائي برادري جي نمائنده ڊاڪٽر سيما فرزاد ۽ قومي اسيمبلي ۽ پارسي برادري جي نمائندي اسفنديار ايم ڀانڊا پڻ ان موقعي تي خطاب ڪيو. انهن اقليتن جي حقن ۽ ڀلائي جي لاءِ حڪومتي قدمن کي ساراهيندي چيو ته پاڪستان ۾ رهندڙ اقليت زندگي جي سمورن شعبن ۾ هڪ جهڙي ترقي جا موقعا حاصل ڪري رهيا آهن. هن چيو ته باباءِ قوم قائداعظم محمد علي جناح 11 آگسٽ 1947ع جي پنهنجي تاريخي تقرير ۾ سمورن مذهبي اقليتن جي لاءِ برابر حقن ۽ مذهبي آزادي جو عزم ڪيو هو. خطاب ڪندڙن قومي سطح تي اقليتن جي ڏينهن کي ملهائڻ ۽ تازو ئي ڪرسچن ميرج ايڪٽ تي صدر پاران صحيحون ڪرڻ تي صدر جا ٿورا مڃيا.

مضمون کا ماخذ : quina prêmio acumulado

متعلقہ مضامین