جنوری 2023 توں ہݨ تئیں ملک دے کئی حصیاں اچ چووی خودکش حملے تھین۔ چوݙاں خود کش حملے کرݨ آلے افغانی ہن، نگران وفاقی وزیر داخلہ سرفراز بگٹی

اسلام آباد۔3اکتوبر (اے پی پی) نگران وفاقی ??زی?? داخلہ سرفراز بگٹی آکھیا جو جنوری 2023 توں ہݨ تئیں ملک دے کئی حصیاں اچ چووی خودکش حملے تھین۔ چوݙاں خود کش حملے کرݨ آلے افغانی ہن۔ منگل کوں پریس کانفرنس توں خطاب کریندیں ہوئیں ہک سوال دے ولدے اچ نگران وفاقی ??زی?? داخلہ سرفراز بگٹی آکھیا جو 12 ربیع الاول کوں ہنگو اچ حملہ کرݨ آلے دہشت گرد افغانی ہن۔ افغان شہریاں دے حملیاں اچ ملوث ہووݨ دے سارے ثبوت موجود ہن۔ انہاں ݙسیا جو پاکستان اچ افغان شہریاں دی کل تعداد 4.4 ملین اے۔ انہاں اچوں جنہاں کول رجسٹریشن اے انہاں دی تعداد 1.40 ملین اے۔ 1.73 ملین کتھائیں رجسٹرڈ کائنی۔ افغان کارڈ ہولڈر دی تعداد 0.85 ملین اے۔