سکیورٹی فورسزدا بلوچستان دے ترائے ضلعیں اچ آپریشن ، 5 دہشت گرد جہنم واصل کرݙتن ، آئی ایس پی آر

راولپنڈی۔30اگست(اے پی پی) سکیورٹی فورسز بلوچستان دے ترائے ضلعیں اچ خفیہ معلومات تے مبنی آپریشن کیتا جیں اچ 5 دہشت گرد جہنم واصل جݙاں جو 3 زخمی تھئن ۔ آئی ایس پی آر موجب 26 اگست کوں بلوچستان دے مختلف علاقیں اچ دہشت گردی دے واقعات دے تناظر اچ سکیورٹی فورسز 29 اتے 30 اگست کوں بلوچستان دے ضلع کیچ،پنجگور اتے ژوب اچ انفارمیشن بیسڈ آپریشن( آئی بی او ) کیتا۔ایں آپریشن اچ 5دہشت گرد ماریے ڳئن جݙاں جو 3 دہشت گرد زخمی تھئن ۔انھاں علاقیں اچ کہیں وی دہشت گرد دی موجودگی مکاوݨ سانڳے کلیئرنس آپریشن جاری اے اے آپریشن دہشت گرداں انھاں دے سہولت کاراں دے مکݨ تئیں جاری رہسی ۔ آئی ایس پی آر آکھیے پاکستان دی سکیورٹی فورسز قوم دے رلے بلوچستان دے امن، استحکام تے ترقی کوں سبوتاژ کرݨ دیاں کوششاں ناکام بݨاوݨ سانڳے پرعزم اے

مضمون کا ماخذ : آزاد کشمیر لاٹری

متعلقہ مضامین