پولیو دے کیسز سامھے آوݨ تشویشناک اے، مرض دے پورے خاتمے کیتے ساریاں کوں رَل تے نویں جذبے نال کم کرݨ دی لوڑھ اے، وزیراعظم شہبازشریف دی قومی ٹاسک فورس برائے انسداد پولیو دے اجلاس اچ ڳالھ مہاڑ

اسلام آباد۔18مئی (اے پی پی) وزیر اعظم شہباز شریف آکھیا جو پولیو دے کسیز سامھے آوݨ تشویشناک اے، مرض دے پورے خاتمے کیتے ساریاں کوں رَل تے نویں جذبے نال کم کرݨ دی لوڑھ اے۔ وفاقی اتے صوبائی حکومتاں سودھے سارے فریقین پولیو دے خاتمے کیتے محنت کیتی اے، جڈانجو پولیو دا چیلنج اڄاں وی موجود اے۔ وزیر اعظم آفس دے میڈیا ونگ ولوں جاری بیان موجب اے ڳالھیں انہاں بدھ کوں آپݨی صدارت اچ تھیوݨ آلے قومی ٹاسک فورس برائے انسداد پولیو دے اجلاس اچ ڳالھ مہاڑ کریندیں ہوئیں آکھی۔ اے ہنگامی اجلاس وزیراعظم ملک اچ اجوکے ترائے پولیو کیسز دی رپورٹنگ دے بعد سݙیے۔ اجلاس اچ انسداد پولیو بارے حکمت عملی تے بریفنگ ݙتی ڳئی۔ اجلاس اچ وفاقی وزرا مریم اورنگزیب، عبدالقادر پٹیل، وزیر اعلی سندھ سید مراد علی شاہ، وزیر اعلی پنجاب حمزہ شہباز (ویڈیو لنک)، وزیر اعظم آزاد کشمیر سردار تنویر الیاس، وزیر صحت بلوچستان احسان شاہ، صوبائی وزیر صحت خیبرپختونخوا تیمور سلیم جھگڑا(ویڈیولنک)، صوبائی چیف سیکریٹریز اتے بین الاقوامی اداریاں دے نمائندے شریک تھیے۔ اجلاس اچ وزیراعظم آکھیا جو اڄوکے پولیو کسیز دی دریافت تشویشناک اے۔ پولیو دے کسیز سامھے آوݨ تشویشناک اے، مرض دے پورے خاتمے کیتے ساریاں کوں رَل تے نویں جذبے نال کم کرݨ دی لوڑھ اے۔

مضمون کا ماخذ : como apostar na loteria

متعلقہ مضامین