انجھ سیکرٹریٹ بنڑا تے جنوبی پنجاب دے لوکاں نال وعدہ وفا کر ڈتے،انجھ سالانہ ترقیاتی پروگرام نال علاقے اچ ترقی دانواں دور شروع تھیسی،وزیرِ اعظم عمران خان دا اجلاس نال خطاب

APP41-04 ISLAMABAD: September 04 - Prime Minister Imran Khan chairing a meeting on working of South Punjab Secretariat. Chief Minister Punjab Sardar Usman Buzdar joined via video link seen in inset. APP

اسلام آباد ۔ 4 ستمبر (اے پی پی) وزیرِ اعظم عمران خان آکھیے جو جنوبی پنجاب سیکرٹریٹ بنڑا تے جنوبی پنجاب دے لوکاں نال وعدہ وفا کر ڈتے،انجھ سالانہ ترقیاتی پروگرام نال علاقے اچ ترقی دانواں دور شروع تھیسی، اختیارات دی منتقلی مرحلہ واراگو تے ٹوری ویسی۔اے گالھ وزیراعظم عمران خان جنوبی پنجاب سیکرٹریٹ سانگے جائزہ اجلاس دی اگوانڑی کریندے آکھی۔اجلاس اچ وزیرِ خارجہ شاہ محمود قریشی موجودہن جڈاں جو وزیرِ اعلیٰ پنجاب سردار عثمان بزدار، وزیر خزانہ پنجاب مخدوم ہاشم جوان بخت ، چیف سیکرٹری پنجاب، ایڈیشنل چیف سیکرٹری برائے جنوبی پنجاب اتے ایڈیشنل آئی جی جنوبی پنجاب وڈیو لنک تے شرکت کیتی۔وزیرِ خارجہ شاہ محمود قریشی حکومت ولوں جنوبی پنجاب دے عوام دی خواہش پوری کرنڑ سانگے عملی اقدامات، جنوبی پنجاب سیکرٹریٹ دے قیام ، انتظامی اختیارات دی منتقلی اتے ترقیاتی منصوبیاں سودھا مسلے در تے حل کرنڑ کیتے اقدامات تے بریفنگ ڈتی۔انہاں آندے بجٹ اچ جنوبی پنجاب کیتے انجھ سالانہ ترقیاتی پروگرام اتے پنجاب پبلک سروس کمیشن دے تحت ملازمتاں اتے بیاں نوکریاں سانگے جنوبی پنجاب دے انجھ کوٹے دی وی تجویز ڈتی اتے آکھیا جو جنوبی پنجاب سیکرٹریٹجدید ٹیکنالوجی اتے ای گورننس نال 15اکتوبر توں کم شروع کر ڈیسی۔ایڈیشنل آئی جی انعام غنی ملتان اتے بہاولپور اچ پولیس دفاتراتے اختیارات منتقلی تے بریفنگ ڈتی۔وزیرِ اعظم عمران خان جنوبی پنجاب سیکرٹریٹ کیتے ودھ اقدامات تے وزیرِ اعلیٰ پنجاب اتے انہاں دی حکومت دی تعریف کیتی اتے آکھیا جو جنوبی پنجاب کوں سنجانڑ ڈیونڑسانگے عملی اقدمات پی ٹی آئی حکومت دی جنوبی پنجاب دے عوام نال محبت اتے حکومتی منشوردا ثبوت اے۔وزیرِ اعظم صوبائی مالیاتی ایوارڈدی لوڑھ تے زور ڈتا اتے جنوبی پنجاب دے انتظامی معاملات چنگے اتے منظم طریقے نال چلاونڑ دی ہدایت کیتی تاں جو لوکاں دے مسلے انہاں دی درسال تے حل تھیون۔

مضمون کا ماخذ : کمپیوٹر لاٹری کا ٹکٹ

متعلقہ مضامین