APP70-23
KARACHI: April 23 - Prime Minister Shahid Khaqan Abbasi talking to media-persons after meeting of the Cabinet's Committee on Energy at Governor House. APP
کراچۍ 23 اپرېل (اے پي پي) وزیراعظم شاهد خاقان عباسي وئيلي دي کراچۍ كښې د برېښنا بندېدو خاتمې لپاره د سوئي سدرن ګاز او كے الېكټرك ترمېنځه شخړه هواره شوه٬ سوئي سدرن د كے الېكټرك ضرورتونه ترسره كولو باور وركړې٬ هيله لرو چې د اوبو د كمبوت مسئله به هم هواره شي لكه څنګه چې سوئي سدرن د كے الېكټرك حاجتونه ترسره كولو لپاره باور وركړې۔ وزيراعظم دا خبرې د ګل په ورځ ګورنر هاٶس كښې د توان پحقله د كابينه كمېټۍ د غونډې مشري كولو نه پس ميډيا سره په خبرو كښې وكړې۔ وزیراعظم ووئيل د خزانې صلاحكار مفتاح اسماعیل په مشرۍ كښې يوه كمېټي جوړه كړې شوې كومه چې به د دواړو ادارو ترمېنځه د واجباتو د مسئلې جاج اخلي۔ د كے الېكټرك د اجاره دارۍ پحقله د يوې پوښتنې په ځواب وزیراعظم ووئيل حکومت کمپني پخپل تحويل كښې د اخستو يا كراچۍ كښې د برېښنا پېداوار او وېش لپاره د بلې كمپنۍ جوړولو اراده نه لري۔ ده ووئيل كے الېكټرك د نېپرا ټېرف له مخې كار كوي او هېڅ اضافي رقم نشي چارج كولې۔ هېواد د روان لوډشېډنګ پحقله د يوې پوښتنې په ځواب شاهد خاقان عباسي ووئيل تر اوسه د برېښنا پېداوار د طلب نه زيات دے خو په كومو سيمو كښې چې د څلوېښتو نه تر 60 فيصده د برېښنا غلا كېږي ھغوي به لوډشېډنګ سره مخ وي۔ په باقاعده توګه د بل وركوٶنكو ځپليو پحقله د پوښتنې په ځواب وزیراعظم ووئيل دا بدقسمتي ده خو داسې سيمو ته برېښنا نه شي وركړے كېدې چرته چې زيات زيان كېږي۔د يوې پوښتنې په ځواب ده ووئيل وفاق د سندھ او په خاص توګه د كراچۍ پرمختګ له خپل كردار لوبوي٬ په دې لړ كښې وزيراعظم د 30 اربه روپو ذكر وكړو كوم چې ادا كړې شوي۔ د ګرين لائن منصوبې پحقله وزيراعظ ووئيل وفاق بنيادي انفرسټركچر لپاره فنډز وركړې و د سندھ واكمنو له بسونه وركول وٶ خو كه ھغوي نشي كولې نو وفاق ته دې ووائي چې وفاق ئې وركړي۔ د دې نه وړاندې كراچۍ كښې د برېښنا بحران له مخې وزیراعظم شاهد خاقان عباسي د كراچۍ په ګورنر هاٶس كښې د توان پحيقله د كابينه كمېټۍ مشري وكړه۔ په غونډه كښې د سندھ ګورنر محمد زبیر، وزیراعلیٰ سندھ سیّد مراد علي شاہ، د پنجاب وزیراعلیٰ شهباز شریف، د اوبو او برېښنا وفاقي وزير اوېس لغاري، دوهم وزير عابد شېر علې، د وزیراعظم خزانې لپاره صلاحكار متفاح اسماعیل او نورو چارواكو ګډون وكړو۔ د غونډې په مهال هېواد كښې د برېښنا موجوده وضعې جاج واخستلې شو۔
