APP17-04
MUZAFFARABAD: April 04 - Prime Minister Shahid Khaqan Abbasi in a meeting with representatives of Hurriyat Conference. APP
مظفرآباد 04 اپرېل (اے پي پي) وزیراعظم شاهد خاقان عباسي وئيلي دي چې د پاکستان حکومت او اولس به د شخړيز كشمير د اولس سياسي٬ سفارتي او اخلاقي ملاتړ روان ساتي٬ پاکستان به د كشمير كشالې هواري لپاره په هره كچه هڅې دوامدارې ساتي۔ د شورو په ورځ كل جماعتي حريت كفنرنس نمائندګانو سره په خبرو كښې ده ووئيل زه خپله او د كابينې غړي كشميري اولس سره يوالي له آزاد كشمير ته راغلې يو ۔ ده ووئيل د وفاقي كابينې په خاص غونډه كښې د مقبوضه كشمير په اولس د هندي بربريت او ظلم په ضد د غم او غصې څرګندودنه شوې۔ وزیراعظم حریت نمائندګانو ته ووئيل چې په دې موقع د هندي ځواكونو د ظلم او جبر سخته غندنه شوې۔ وزیراعظم ووئيل خارجه وزارت او ټول سفارتي مشنز د ملګرو ملتونو د سلامتي كونسل قراردادونه عملي كولو لپاره فعاله دي۔ شاهد خاقان عباسي د حریت کنفرنس مشرانوا او نمائندګانو د كشمير كشالې هواري لپاره هلو ځلو او قربانيو ته پېرزونې وړاندې كړې۔ وزیراعظم ووئيل په كوم ډول چې د شخړيز كشمير اولس هندي جارحيت مقابله كوي ھغه د قدر وړ دي۔ وزیراعظم شاهد خاقان عباسي ګډون كوٶنكو ته ووئيل د پاکستان حکومت به د كشمير مسله د نړۍ په وړاندې كېښودو لپاره 6 مهمو هېوادونو ته خپل نمائندګان لېږي دغسې چې د مقبوضه كشير وضعه او هلته روان د بشري حقونو خلاف ورزيو څخه ټوله نړۍ خبره كړې شي۔ د حریت مشرانو وزیراعظم شاهد خاقان عباسي په شخړيز كشمير كښې د اوسنۍ وضعې نه خبر كړو٬ دوي په مقبوضه كشمير كښې د بشري حقونو په خلاف ورزيو او په خاص توګه د پېلټ ګنز په استعمال د اندېښنې څرګندونه وكړه۔ د آل پارټیز حریت کنفرنس نمائنګانو د پاكستان د حكومت او د وزيراعظم مننه كولو سره ووئيل په مقبوضه كشمير كښې د هندي جارحيت د پېښو په سمدستي توګه نوټس اخستل شوې او د كابينې خاص غونډه رابللې شوې۔ حریت لارښودو د وزیراعظم شاهد خاقان عباسي او د كابينې ډ غړو د آزاد كشمير د دورې كولو هم مننه وكړه۔ وزیراعظم سره ملاقات كوونكو كښې د حريت نمائندګان٬ د آزاد کشمیر وزیراعظم راجه فاروق حېدر، د آزادکشمیر اولس مشر سردار مسعود خان، د پارلمان د كشمير كمېټۍ مشر مولانا فضل الرحمان، خارجه وزیر خواجه محمد آصف، چوهدری برجیس طاهر، مشاهد اللہ، رانا تنویر حسېن او ممتاز احمد تارړ هم شامل وو۔ د ملاقات په مهال حريت مشران غلام محمد صفي، فېض نقشبندي، محمود ساګر، اشتیاق حمید، شمیم شال او اعجاز لون شامل وو۔ د دې نه وړاندې مظفر آباد ته په رسېدو د آزاد كشمير اولس مشر مسعود خان ٬ وزيراعظم راجه فاروق حېدر او د ازاد كشمير د قانون ساز اسمبلۍ سپيكر او نورو لوړ پورو چارواكو د وزیر اعظم شاهد خاقان عباسي هركلې وكړو
