اسلام آباد 21 دسمبر (اے پي پي) پاکستان د امريكې د قامي سلامتيا نوي پاليسۍ رد كولو سره وئيلي دې د امريكې په نوې پاليسۍ كښې په پاكستان غېر مصدقه تورونه لګولي شوي٬ پاكستان د ترهه ګرۍ په ضد جنګ كښې د ټولو نه زيات ځپلې هېواد دے٬ د سند طاس لوظنامې له مخئ د شريكو مسئلو هواري لپاره مېكنزم غېر موثره شوے ٬ د خېر سګالۍ جذبې له مخې مونږ د هند 291 كب نيوونكي به په 29دسمبر او 8 جنورۍ خوشې كوو٬ د پاکستان اتومي پانګې په بشپړه توګه خوندي دي٬ د امريكائي اولس مشر په عمومي اسمبلۍ كښې د مقبوضه بېت المقدس پحقله په مخالفت كښې ووټ وركوٶنكو ته دړكه د جمهوريت سپكاوې دے٬ د آزادۍ هېڅ قيمت نه وي٬ پاكستان به په ملګرو ملتونو كښې د مقبوضه بېت المقدس په معامله د اصولو په بنياد ووټ وركوي۔ د زيارت په ورځ د اوونيز بريفنګ په مهال د خبريالانو د پوښتنو ځوابونو كښې ډاكټر محمد فېصل ووئيل پاكسستان د امريكې د قامي سلامتيا په نوې پاليسۍ كښې لګولې شوې غېر مصدقه تورونه رد كوي٬ پاکستان د ترهه ګرۍ په ضد جنګ كښې د ټولو وړاندې دے او د ترهه ګرو په ضد د فرق نه غېر كاروائي كوي۔ وياند ووېيل پاكستان د القدس پحقله د او آئي سي د اعلاميې په بشپړه توګه ملاتړ كوي۔ د خارجه دفتر وياند د كلبهوشن ياديو پحقله د پوښتنې په ځواب ووئيل د كلبهوشن كورودانې او مور ته په نوې ډيلي كښې د پاكستان سفارت د اسلام آباد ويزه جاري كړې او د دواړو كلبهوشن سره د ملاقات اجازه بيخې د بشري خواخوږۍ په بنياد ده ۔ وياند ووئيل پاكستان د خېر سګالۍ جذبې له مخې د هند 291 كب نيونكي به په 29دسمبر او 8 جنورۍ خوشې كوي كوم چې به د واهګه بارډر د لارې هېواد ته لېږلې شي ۔ د داعش پحقله د يوې پوښتنې په ځواب وياند ووئيل په افغانستان كښې د داعش دائرہ پراخه كېږي۔ ده ووئيل د افغانستان په پكتيكا٬ نمروز، ننګر هار او بدخشاں ولايتونو كښې د داعش پټنځايونه شته كوم چې نه يوازې افغانستان بلكې ګاٶنډيانو هېوادونو لپاره هم نېغ په نېغه خطر دے۔ وياند ووئيل پاكستان دا معامله امريكائي او افغان چارواكو ته وړاندې كړې ده۔ ده ووئيل د امريكې د موجودګۍ باوجود افغان خاوره ترهه ګر عناصر پاكستان كښې عدم استحكام لپاره كاروي ٬د عسكريت خوښو مخنيوي په غرض موثره بارډر مېنجمنټ لپاره د پاكستان هڅې او په اخلاص د وړاندېزونو عمل روان دے خو بل اړخ ته د ترهه ګرۍ په ضد جنګ كښې د پاكستان كاميابۍ ناكامه كولو لپاره ناوړه كمپائن هم روان دے ۔ وياند ووئيل د هارټ آف ايشيا امرتسر غونډه كښې د ترهه ګرو تنظيمونو فهرست د اعلاميې برخه جوړه كړې شوې٬ خو هند دا فهرست د پاكستان بدنامۍ لپاره كاروي او دا ئې خپله لويه سفارتي كاميابي ګرځولې خو د هارټ آف ايشيا باكو غونده كښې د سخت اعتراض نه پس دا فهرست ختم كړې شوې او دا معامله د ترهه ګرۍ مخنيوي او وركنګ ډلې ته لېږلې شوې٬ ده ووئېل اوس وركنګ ډله منطقه كښې د موجودو ټولو ترهه ګرو تنظيمونو جامع فهرستونه مرتب كوي۔ وياند د سندھ لوظنامې پحقله د يوې پوښتنې په ځواب ووئيل د سندھ طاس لوظنامې له مخې شريكو مسئلو لپاره مېكنزم غېر موثره شوې ۔ وياند د يو اے اي لخوا پاكستانيانو لپاره په عارضي توګه د ويزو اجرا معطله كولو پحقله د ميډيا راپورونه رد كولو سره وئيلي دې دا راپورونه هېڅ حقيقت نه لري۔ د کشمیر پحقله ډاګتر فېصل ووئيل په مقبوضه كشمير كښې د هند جارحيت هېڅ نه دې كم شوې دغسې د حريت لارښودو د تنګولو لړۍ هم تر اوسه روانه ده٬ د كومې چې په سختو ټكو غندنه كوٶ۔ وياند ووئيل كشميريان حريت مشران پخوانو كېسونو كښې عدالت ته رابللې او تنګولې شي٬ حریت لارښود شبیرشاہ په كال 1994 كښې اېمنسټي انټرنېشنل د ضمير بندي ګرځولې ٶ خو ولې ھغه نيولې شوې او په غېر محفوظه زندان كښې ئې ساتل بيخي زياتې دے٬ ده غوښتنه وكړه نړيواله وررولي دې د حريت مشرانو خوشې كولو لپاره غږ پورته كړي۔
