فعال حڪمت عملي اختيار ڪندي مسئلا ڪيا وڃن: وزيراعظم عمران خان
APP58-300921
ISLAMABAD: September 30 - Prime Minister Imran Khan chairs a review meeting on Ravi City and Central Business District. APP
اسلام آباد – 30 – سيپٽمبر (اي پي پي) وزيراعظم عمران خان لاڳاپيل عملدارن کي هدايت ڪئي آهي ته فعال حڪمت عملي اختيار ڪندي مسئلا ڪيا وڃن ته جيئن پاڪستان سڌو سنئون غير ملڪي سيڙپڪاري کي متوجهه ڪري راوي اربن ڊولپمينٽ اٿارٽي ۽ سينٽرل بزنس ڊسٽرڪٽ جهڙن انهن جديد ۽ پائيدار ريئل اسٽيٽ منصوبن مان وڌ کان وڌ فائدو حاصل ڪري سگهي.
وزيراعظم ميڊيا آفيس مان جاري بيان موجب وزيراعظم راوي اربن ڊولپمينٽ اٿارٽي (روڊا) ۽ سينٽرل بزنس ڊسٽرڪٽ (سي بي ڊي)، والٽن بابت جائزي اجلاس جي صدارت ڪئي. روڊا جي مختلف منصوبن ۾ شمسي توانائي سان هلندڙ قابل تجديد بجلي پيدا ڪندڙ پلانٽ لڳائڻ، خصوصي اقتصادي زونز ۽ خصوصي ٽيڪنالجي زونز جو قيام، فيري آپريشنز جو آغاز، ناليج پارڪ ۽ رک جهک فارمز جو قيام شامل آهن. اهي سمورا منصوبا پنهنجي مالي ضرورتن جي حوالي سان خودمختيار هوندا ته جيئن انهن جي پائيداري کي يقيني بڻائي سگهجي،
وزيراعظم کي آءِ ايم جي دبئي ٿيم پارڪ جي سهڪار سان پاڪستان جو سڀ کان وڏو ٿيم پارڪ بڻائڻ جي منصوبي تي به بريفنگ ڏني وئي. راوي ريور فرنٽ تي 2000 ڪينال زمين تي ٺهندڙ اهو منصوبو (آر يو ڊي اي) سيڙپڪارن کي متوجهه ڪرڻ جي لاءِ ايندڙ مهيني شروع ٿيندڙ دبئي ايڪسپو 2020ع ۾ نمائش جي لاءِ پيش ڪندو. وزيراعظم ملڪ جي سمارٽ، خود ڪفيل، صاف سٿري ۽ سبز گهرن ۽ ڪاروباري منصوبن جي فروغ جي لاءِ آر يو ڊي اي ۽ سي بي ڊي جي اهميت تي زور ڏنو،
وزيراعظم لاڳاپيل عملدارن کي هدايت ڪئي ته هو هڪ فعال حڪمت عملي اختيار ڪندي مسئلن کي حل ڪن ته جيئن پاڪستان سڌو سنئون غير ملڪي سيڙپڪاري کي متوجه ڪري ان جديد ۽ پائيدار ريئل اسٽيٽ منصوبن مان وڌ کان وڌ فائدو حاصل ڪري سگهي.
