آئین پاکستان ایپ اچ آئین دی ساری دفعات ، اختلاف رائے ، جمہوریت اتے ایندی اصل جزیات کوں شامل کیتا ڳئے ،وفاقی وزیر اطلاعات و نشریات مریم اورنگزیب

اسلام آباد۔20اپریل(اے پی پی) وفاقی وزیر اطلاعات و نشریات مریم اورنگزیب آکھیے آئین پاکستان ایپ اچ آئین دی ساری دفعات ، اختلاف رائے ، جمہوریت اتے ایندی اصل جزیات کوں شامل کیتا ڳئے، ایں ایپ دا مقصد آئین دی اہمیت ، آگاہی ، رہنمائی اتے تعلیمات نینگراں تئیں پڄاوݨ اے ۔ وزیراعظم نینگراں کیتے لیپ ٹاپ سکیم ، سوکھے قرضہ جات ، انٹرنشپ پروگرام سودھے ٻہوں سارے پروگرامات ݙتے جنہاں دے ثمرات آوݨ شروع تھی ڳئن ۔ او پی ٹی وی سنٹر اسلام آباد اچ ”آئین پاکستان ایپ” اجراء تقریب توں خطاب کریندیاں پیاں ہن ۔ ایپ دا باقاعدہ افتتاح وزیراعظم محمد شہبازشریف کیتا ۔ وفاقی وزیر داخلہ رانا ثناء اللہ خان ، وفاقی سیکرٹری اطلاعات و نشریات سہیل علی خان ، پی آئی او مبشر حسن اتے ٻئے حکام تقریب اچ شریک ہن ۔ وفاقی وزیر اطلاعات و نشریات مریم اورنگزیب آکھیے اساں ساریں کیتے اے باعث افتخار اے جو وزیراعظم شہبازشریف اپݨی ساری مصروفیات دے باوجود ایں پروقار تقریب اچ شریک ہن ۔ انہاں آکھیے آئین دے 50سال مکمل تھیوݨ تے گولڈن جوبلی تقریبات منائیاں ویندیاں پئن اے تقریب وی ایں دا حصہ اے ، اڄ اساں پاکستان دی تاریخ اچ ھک ایجھا سنگ میل پار کریندے پیوں جو آئین دے 50 سال مکمل تھیوݨ تے گولڈن جوبلی تقریبات اچ آئین پاکستان ایپ دا اجراء کرݙتا ڳئے ۔ انہاں آکھیے نصاب دے اندر آئین دی شمولیت اچوں اہم ہئی ، نصاب اچ نہ صرف آئین دی دفعات کوں رلایا ڳئے بلکہ اختلاف رائے ، جمہوریت اتے ایندی اصل جزیات کوں شامل کیتا ڳئے ۔ انہاں آکھیے نوجوان نسل جیڑھی جو ساݙی آبادی دا 65فیصد اے ، انہاں تئیں آئین دی اہمیت کوں منتقل کرݨ ، آگاہی ، رسائی تے تعلیمات انہاں تئیں پڄاوݨ ایں ایپ دا مقصد ہئی ۔ انہاں آکھیے ایں ایپ دی تیاری اچ وزیر داخلہ رانا ثناء اللہ خان دا وی شکریہ ادا کریندوں جنہاں ذاتی توجہ ݙے تے ٻہوں گھٹ عرصے اچ نادرا دے ذریعے ایپ مکمل کرائی اے ۔ انہاں آکھیے آئین پاکستان ایپ اجراء دے بعد گوگل پلے سٹور دے اتے موجود ہوسی ۔ ایپ بٹن دٻاوݨ تے پاکستان دے عوام کوں آئین پاکستان تئیں رسائی تھی سڳسی ۔

مضمون کا ماخذ : como jogar lotofácil

متعلقہ مضامین