وفاقی وزیر اطلاعات دی عمران خان ولوں سینئر صحافیاں کوں سانحہ وزیرآباد اچ ملوث کرݨ دی کوشش دی مذمت، سیاست کرو، فساد ، فتنہ اتے انتشار نہ پاؤ، مریم اورنگزیب

اسلام آباد۔8نومبر(اے پی پی) وفاقی وزیر اطلاعات تے نشریات مریم اورنگزیب عمران خان ولوں سینئر صحافیاں حامد میر، مرتضیٰ سولنگی اتے وقار ستی کوں سانحہ وزیرآباد اچ ملوث کرݨ دی کوشش دی مذمت کریندیں ہوئیں آکھیا جو سیاست کرو، فساد ، فتنہ اتے انتشار نہ پاؤ، حکومت اچ رہہ تے صحافیاں تے حملے انہاں کیتے اتے ہݨ صحافیاں تے مقدمے ٻݨیندے پئن۔ عمران خان سیاست کرن، صحافیاں دی جان خطرے اچ نہ پاون۔ منگل کوں آپݨے بیان اچ انہاں آکھیا جو لاشاں تے سیاست، صحافت تے سیاست، عمران خان کوں سیاسی مخالفین دے نال نال سیاسی جنگ لڑݨ نی امدی۔ سیاسی مخالفین نال سیاسی مخالفت کرن۔ انہاں آکھیا جو جیڑھے تساݙے خلاف الاون، او تساݙا دشمن، عمران خان ترائیں صحافیاں دے ناں ڳھن تے انہاں دی جان خطرے اچ پاتی اے جئیں دی اساں مذمت کریندوں۔

مضمون کا ماخذ : ڈوپلا سینا

متعلقہ مضامین