عمران خان دی کوڑ اتے دھوکہ دہی تے مبنی پالیسیاں ملکی معیشت کوں تباہ کر ݙتے، او اقتدار توں محرومی دے بعد معاشرے اچ نفرت دا زہر پیندا پئے، وزیراعظم شہباز شریف دا’’دی گارڈین‘‘کوں انٹرویو

اسلام آباد۔4اکتوبر (اے پی پی) وزیراعظم محمد شہباز شریف آکھیا جو عمران خان دی کوڑ اتے دھوکہ دہی تے مبنی پالیسیاں ملکی معیشت کوں تباہ کر ݙتے، او اقتدار توں محرومی دے بعد معاشرے اچ نفرت دا زہر پیندا پئے۔ اقوام متحدہ دی جنر ل اسمبلی دے اجلاس دے موقع تے عالمی رہنماواں دے عمران خان بارے خیالات سݨ تے حیران رہ ڳیا، انہاں دوست ملکاں نال تعلقات کوں نقصان پجائے۔ نومبر اچ چین دا دورہ کریساں۔ برطانوی اخبار ’’دی گارڈین‘‘کوں انٹرویواچ وزیراعظم شہباز شریف آکھیا جو عمران خان آپݨے ذاتی ایجنڈے کیتے کرپشن دے خاتمے کوں آپݨا منشور ٻݨا تے پیش کیتے پر او پاکستانی تاریخ دے ساریاں توں وݙے ناتجربہ کاڑ، خودپسند، اناپرست اتے ناپختہ سیاست دان ثابت تھیا۔ لیک تھیوݨ آلی آڈیوز نال ایں ڳالھ دی تصدیق تھیندی اے جو عمران خان کرہ ارض تے ساریاں توں ودھ کوڑ مارݨ آلا بندہ اے اتے اے ڳالھ میں خوش تھی نی آکھدا پیا بلکہ اے اساں کیتے شرمندگی اتے تشویش دا باعث اے کیونجو عمران خان دے ذاتی ایجنڈے اتے مقصاد کیتے ماریے ڳئے کوڑ نال اساݙے ملک دا تشخص دا نقصان تھیے۔ وزیراعظم آکھیا جو عمران خان کوں آپݨے سارے دانستہ مجرمانہ اقدامات کیتے جوابدہ تھیوݨا پوسی۔ عمران خان دی کوڑ اتے دھوکہ دہی تے مبنی پالیسیاں ملکی معیشت کوں تباہ کر ݙتے، او اقتدار توں محرومی دے بعد معاشرے اچ نفرت دا زہر پیندا پئے۔ انہاں آکھیا جو اقوام متحدہ دی جنر ل اسمبلی دے اجلاس دے موقع تے عالمی رہنماواں دے عمران خان بارے خیالات سݨ تے حیران رہ ڳیا، انہاں دوست ملکاں نال تعلقات کوں نقصان پجائے۔ کئی رہنماواں انہاں نال ملاقات اچ عمران خان دے رویے دا ذکر کیتا۔ کجھ رہنماواں میکوں عمران خان دی شخصیت بارے ذاتی طور ݙسیا۔

مضمون کا ماخذ : apostas dupla sena

متعلقہ مضامین