موسمیاتی تبدیلی پاروں پاکستان اچ بدترین چھل اے، ملک دے چھل توں متاثرہ علاقیاں اچ متاثرین دی ریسکیو اتے بحالی دا عمل جاری اے، دفتر خارجہ دے ترجمان عاصم افتخار احمد دی پریس بریفنگ

اسلام آباد۔15ستمبر (اے پی پی) دفتر خارجہ دے ترجمان عاصم افتخار احمد آکھیا جو موسمیاتی تبدیلی پاروں پاکستان اچ بدترین چھل اے، ملک دے چھل توں متاثرہ علاقیاں اچ متاثرین دی ریسکیو اتے بحالی دا عمل جاری اے۔ ریسکیو اتے بحالی دے کماں اچ عالمی برادری پاکستان دی مدد کیتی اے۔ وزیراعظم محمد شہباز شریف اتے وزیر خارجہ بلاول بھٹو زرداری اقوام متحدہ دے سیکرٹری جنرل انتونیو گوتریس دے رلے شدید متاثرہ علاقیاں دا دورہ کیتا۔ دفتر خارجہ ترجمان اے ڳالھیں خمیس کوں پریس بریفنگ اچ آکھی۔ انہاں آکھیا جو بھارت دے غیر قانونی طور تے زیر قبضہ جموں تے کشمیر اچ انسانی حقوق دی سنگین خلاف ورزیاں کریندا پئے۔ بھارتی قابض فوج شوپیاں اتے اسلام آباد دے ضلعیاں اچ ٻئے ترائے نہتے کشمیریاں کوں شہید کر ݙتے۔ بھارتی فوج نہتے کشمیریاں تے ظلم کریندی پئی اے۔ ترجمان آکھیا جو وزیراعظم محمد شہباز شریف ازبکستان اچ شنگھائی تعاون تنظیم دے سربراہ اجلاس اچ شرکت کیتے ݙو ݙینھ دے دورے تے تاشقند اچ ہن۔ وزیراعظم ازبکستان اچ ایس سی او دے رکن ملکاں دے سربراہاں مملکت نال ݙو پاسہ ملاقاتاں وی کریسن۔ انہاں آکھیا جو وزیر خارجہ بلاول بھٹو زرداری ، ٻئے وزرا اتے سینئر حکام وی وزیراعظم نال ہن۔

مضمون کا ماخذ : como jogar dupla sena

متعلقہ مضامین