وزیر اعظم عمران خان دی اڳواݨی اچ حکومت ملک کوں اڳو تے ٻھل اپوزیشن پیچھو سٹݨ چاہندی اے، گورنر پنجاب چوہدری سرور

لاہور۔1فروری(اے پی پی)گورنر پنجاب چوہدری محمدسرور آکھیے جو وزیر اعظم عمران خان دی اڳواݨی اچ اڄوکی حکومت ملک کوں اڳو تے ٻھل اپوزیشن پیچھو سٹݨ چاہندی اے، پاکستان دے چیلنجز نال نمٹݨ کیتے اتحاد دی لوڑھ اے جیندے کیتے سیاسی و مذہبی جماعتاں سودھا معاشرے دے سارے طبقات سیاسی مفادات توں نکل تے ملک و قوم دے مفادات سانڳے فیصلے کرن، پنجاب اچ بلدیاتی انتخابات نال حکومت اختیارات نچلی سطح تے منتقل کرݨ دی پالیسی تے ٹردی پئی اے۔ اے ڳالھ انہاں گورنر ہائوس لاہور اچ صوبائی وزیر بلدیات پنجاب میاں محمود الرشید سودھا تحریک انصاف دے مختلف وفداں نال ملݨ ویلھے آکھی۔ میاں محمود الرشید گورنر کوں صوبے اچ بلدیاتی انتخابات دی قانون سازی اتے تیاریاں بارے ݙسایا۔

مضمون کا ماخذ : resultados loteria São Paulo

متعلقہ مضامین