معاشی سلامتی تے طاقت دے بغیر کوئی ملک تکڑا نی تھی سڳدا ، پاکستان دی تعمیر و ترقی اچ اقلیتاں دا اہم کردار اے۔ مرتضی سولنگی

APP15-040224 LAHORE: February 04 – Caretaker Federal Minister of Information & Broadcasting, Murtaza Solangi addressing a Seminar in connection with creating public awareness regarding Election 2024 under the auspices of Press Information Department (PID). APP/AMI/FHA

لاہور۔4فروری (اے پی پی):نگران وفاقی وزیر اطلاعات، نشریات و پارلیمانی امور مرتضی سولنگی آکھیے معاشی سلامتی تے طاقت دے بغیر کوئی ملک تکڑا نی تھی سڳدا، پاکستان اچ اقلیتاں کوں برابر دے شہری حقوق حاصل ہن، پاکستان دی تعمیر و ترقی اچ اقلیتاں دا اہم کردار اے ۔ اے ڳالھ انہاں پریس انفارمیشن ڈیپارٹمنٹ دے اہتمام نال عام انتخابات دے حوالے نال عوامی آگاہی ݙیوݨ دے سلسلے اچ منعقدہ سیمینار توں خطاب اچ آکھی اے ۔ سیمینار دا موضوع نینگر، تریمتاں ، خواجہ سرا تے ثقافتی اقلیتاں دی سیاسی شرکت اتے انہاں کوں بااختیار بݨاوݨ ہئی ۔ وفاقی وزیر اطلاعات آکھیے صرف اوہے قوماں ترقی تے خوشحالی آلے پاسے تکھے اڳوں ودھدن جیڑھیاں جو تنوع تے یقین رکھیندن ۔ انہاں آکھیے پاکستان اچ اقلیتاں کوں برابر شہری حقوق حاصل ہن ، پاکستان ایں ویلھے تکڑا تھیسی جݙاں اساں قائداعظم محمد علی جناح دے تصور دے مطابق اقلیتاں کوں برابر شہری حقوق ݙیسوں ۔ مرتضی سولنگی آکھیے اقلیتاں پاکستان دی اہم کامیابیاں اچ نمایاں کردار ادا کیتے خاص طور تے تعلیم تے صحت دے شعبے اچ انہاں دا فعال کردار اے ۔ وفاقی وزیر اطلاعات آکھیے موجودہ نگران حکومت ھک آئینی اتے قانونی سیٹ اپ اے جیڑھا جو 8 فروری کوں ملک اچ آزادانہ، منصفان?? انتخابات کراوݨ یقینی بݨیسی ۔ انہاں آکھیے پاکستان دے آئین دے دیباچہ اچ لکھیے جو اے ملک ایندے منتخب نمائندے چلیسن جیڑھے جو صر?? انتخابات دے ذریعے ہی اقتدار اچ آسن ۔ انہاں آکھیے ساریاں ڳالھیں دے باوجود نگران حکومت انتخابات کراوݨ دے حوالے نال آپݨے موقف تے مستقل مزاجی نال قائم رہی۔ انہاں آکھیے اساکوں جیں حالت اچ ملک ملیا ہئی ایں توں بہتر حالت اچ آندی منتخب حکومت کوں ݙے تے ویسوں ۔ وفاقی وزیر اطلاعات آکھیے 8 فروری دے انتخابات دے بعد اقتدار اچ آوݨ آلی حکومت ملکی معیشت سودھے ملک دے بنیادی مسئلیں تے توجہ ݙیس ۔ انہاں آکھیے کوئی وی ملک معاشی سلامتی اتے طاقت دے بغیرتکرا نی تھی سڳدا۔