اسلام آباد ۔ 17 نومبر (اے پی پی) ترک صدر رجب طیب اردوان آکھیا جو جموں تے کشمیر تے ترکی پاکستان دی حمایت جاری رکھیسی ،مسئلہ کشمیر کوں پاک بھارت گالھ مہاڑ دے زریعے اتے اقوام متحدہ دی قرارداداں دے مطابق حل کرنڑ دی لوڑھ اے۔انہاں اے گالھ خمیس کوں اتھاں وزیر اعظم محمد نواز شریف دے رلے سانجھی پریس کانفرنس وچ آکھی۔ترک صدر آکھیا جو اساں مسئلہ کشمیر تے بھرپور حمایت جاری رکھیسوں جڈانجو ترکی کشمیر بارے او آئی سی رابطہ گروپ دا موجودہ صدر وی اے۔انہاں آکھیا جو کشمیر دے مسئلے کوں ہک ایجھے حل دی لوڑھ اے جیڑھی جو اقوام متحدہ دی قرارداداں اتے کشمیری عوام دی امنگاں دے مطابق پاکستان اتے بھارت وچال گالھ مہاڑ دے میکنزم تے مبنی ہووے۔انہاں آکھیا جو کشمیری بھینڑ بھرا ہک ایجھے نکتہ تے پج گئن جنہاں کوں اساں بئیا نظر انداز نی کر سگدے۔پاکستان اتے بھارت وچال ایل او سی تے ودھدی ہوئی کشیدگی تے تشویش کریندیں ہوئیں رجب طیب اردوان آکھیا جو اساں لائن آف کنٹرول تے کشیدگی اتے جاناں دے ضیاع تے بہوں تشویش اے اتے اساں گھاٹی نظر رکھی ہوئی اے۔ایںبارے اساں 2017ء دے چھیکڑ تئیں جامع ڈو پاسہ آزادانہ تجارتی ??عا??دے سانگے مذاکراتی عمل پورا کرنڑ دا فیصلہ کیتے۔وزیر اعظم محمد نواز شریف ترک صدر اتے انہاں دے وفد دا پرتپاک خیر مقدم کریندیں ہوئیں آکھیا جو پاکستان اتے ترکی آپنڑے آپنڑے خطیاں اچ عدم استحکام،تصادم اتے تبدیلی دے حالات تے واقعات ڈیکھنڑ آلی ڈو اہم ریاستاں ہن ۔انہاں آکھیا جو صدر اردوان اتے میں اتفاق کیتے جو پاکستان اتے ترکی دے نیڑے دے تعلقات ایں اوکھے ویلھے اچ استحکام سانگے ہک مضبوط عنصر دا کم کیتے۔انہاں آکھیا جو پاکستان ہک پر امن ہمسائیگی سانگے پرعزم اے اتے پاکستان اتے ترکی خطے اتے اوندے باہر امن تے سلامتی سانگے رل تے کم کریندے رہسوں۔وزیراعظم ‘ نیوکلیئر سپلائرز گروپ اچ پاکستان دی رکنیت سانگے حمایت تے ترکی دا شکریہ ادا کریندیں ہوئیں آکھیا جو ایں دے نتیجے اچ فورم تے پاکستان دے موقف کوں تقویت ملی۔انہاں آکھیا جو 2017ء ڈوہاں ملکاں وچال سف??رتی تعلقات دے قیام دی 70ویں سالگرہ اے۔ترک صدر رجب طیب اردوان دورہ دی دعوت تے صدر ممنون حسین دا شکریہ ادا کریندیں ہوئیں آکھیا جو آپنڑے ڈوجھے گھر پاکستان اچ نہایت پرتپاک استقبال تے او وزیراعظم محمد نواز شریف دے مشکور ہن ۔وزیراعلیٰ پنجاب شہباز شریف، وزیر خزانہ اسحاق ڈار، وزیر دفاع خواجہ محمد آصف، وزیر پٹرولیم شاہد خاقان عباسی، وزیر مملکت صحت سائرہ افضل تارڑ اتے خارجہ سیکری??ری اعزاز چوہدری وی وفود دی سطح تے مذاکرات اچ شامل ہن۔
.jpg)
